دمعة قهر

موضوع: دمعة قهر الإثنين أبريل 30, 2012 7:04 pm

لولا البكا ماينشرح خاطر ولاينزاح ويل
خل الكدر يطفي سعير الليلتين اللي خلت

دام العيون اليا اهملت تشفي الغليل من الغليل
الله يبارك بالعيون اللي ليا ضقت اهملت

دمعة قهر تثبت لي ان اللي يحبوني قليل
ولاضحكه بوجيه ناس ليا تضايقت انكلت

البارحه يوم الهموم تحط بالصدر وتشيل
والشاهد الله ماحبست بمحجري دمع وفلت

الدمعه اللي ماتهز صدور ربعي لاتسيل
اكنها مثل الجمر ولايقولون انزلت

اللي وهو مافزلي وده يحملني جميل
اجيه برجولي عشان اشكي له الحال ؟ اكملت

ماكل من شافك قوي يفرح ليا جيته ذليل
الناس لي من حست بضعف الشجاع استنذلت

بعيونهم ببقى مثل ماللهبوب من النخيل
على كثر ماضامها صفق اللواهيب اعتلت

دام الشدايد تثبت بصاحبك معدنه الاصيل
ليت السنين اللي حدتني لـ الضياع استعجلت